Сіздерді "ҰРПАҚТАР ШАЙҚАСЫ: балалар ересектерге қарсы" шахмат турниріне шақырамыз!
💸 Турнирдің жүлде қоры: 450 000 теңге. 📍 Мекен-жайы: MEGA Alma-Ata, Розыбакиев көшесі, 247а, 2 қабат, фуд-корт. 🕔 Турнирдің басталуы: 20 шілде сағат 16:00-де.
Турнирді Жансая Абдумалик шахмат Академиясы Алматы қаласы шахмат Федерациясының қолдауымен өткізеді.
Қатысушылар 30 адамнан тұратын екі командаға бөлінеді: 1. 14 жасқа дейінгі балалар (2009 ж.т. және одан кіші), II спорттық разрядтан төмен емес; 2. Ересектер (кәсіби жаттықтырушылықпен айналыспайтын аналар, әкелер, нағашылар, тәтелер, ата-әжелер).
Турнир швейцариялық жүйесі бойынша (командалық қосымша көрсеткіштермен) 4 турда өтеді. Партияға уақыт: әр ойыншыға 10 минут + әр жүріске 2 секунд қосылады.
Жеңімпаздарды анықтау: Жарыс жеңімпаздары барлық партияларда жиналған ең көп ұпай санымен анықталады. Екі және одан да көп қатысушылардың ұпайлары тең болған жағдайда жеңімпаздар келесі қосымша көрсеткіштер бойынша айқындалады: 1. Бухгольц коэффициенті; 2. Бухгольцтің қысқартылған коэффициенті (бір ең нашар нәтижесіз); 3. Жеңістер саны; 3. Қаралармен жеңістер саны.
Жүлделер: Турнирдің жалпы жүлде қоры – 450 000 теңге. Әр командада 1-15 орын алған қатысушылар 15 000 теңге көлемінде ақшалай сыйлықпен марапатталады.
Турнирге қатысу тегін! Орындар саны шектеулі! Алдын ала тіркелуді сұраймыз. Қатысушыларды тіркеу 19 шілдеде сағат 18:00-де жабылады. 1-ші тур 20 шілдеде сағат 16:00-де басталады.